المجموعة الثانية
أهازيج وطنية لشاعرها رحيم صقر الاحوازي في حق الشهداء
ياأمي شدي الحيل إلنه و يختي گومي هلهلي
انطالب ابثار الـــوطن و ثار زامل وي علي
و من رعد صوت المدافع انتي گومي اتدللي
(عصابة ظيمچ ذبيها )
……………………………………………….
وحگ هيبة مضيف أهلي وحگ دمك يأبن عــلوان
نادانه الـــــوطن كــــــــلنا ولبينه بشهر نيســــــان
دوّخنه العدو بالكون والله ابساحت الميـــــــدان
(و أعدانه اتضل تشهد بيها)
الأخوه مو كلمة كلام،الأخوه من صدق و موده
الأخوه موقف ، الأخوه نخوه، الأخوه ذاك اليوگف ابساعة الشده
الأخوه مو اليضحك ابوجهك و بالظهر طعناته حده
(بس زامل زكاهه الخوة)
………………………………………………
لخوتك دوم و سع بال و بيهم كبر الثايه
لأن عدنه المثل مگيول اليگص ابزورته ما يثخن افيايه
هذول احزام الك بالضيـــــــــج وبيهم تگضي كل حايه
(اشـــمحلاها لو صار الملعب)
14-06-2008
………………………………………………
في حق الشهيد البطل حسـين الماضي
انت العلمتنه للنضال انســـــــير
و من عزمك نشد الحيل للتحريــر
و خطيت المجد من يوم وانت اصغـير
(بركان ايضل دمك ثورة)
…………………………………………………..
يبركان الشجاعة العنزيت اعضا ك
و من لبى الوطن نادينه عند عينــاك
اسمك ياخلف ويامحله من سمـــــاك
(ابصولاتك والعالم شاهد)
…………………………………………………….
جبل شامخ عون ابساحت الميــــــــــدان
و اهلنه احيود منهم جاسم العـــــــــلوان
و ابو زيدان اترك لشعب عنـــــــــــوان
(عنواني تحرير الموطن)
…………………………………………………..
الـك تاريخ اتسجل بگــلوب الشعب تمثال
و انت من اجاك الموت اتغني للوطن موال
و انت ابساعة الهجـمات هجومك صغته كالزلزال
(يشهد لك لندن تاريخه)
…………………………………………
بحق الشـهيد رعــــد ادعيّر البستان
ينساه الزمان اليا رعد ينســــــــــاك
كل وكت النشـامه اتسولف ابطرواك
وانت البالكلايف عنزيــــت اعضاك
(تبچي لك صوبين الكرخة)
………………………………………………
يا هيبة وطنه و رمز للثوار
وباسمك انتخت هاي الدار
شدينه حزمنه نطرد الاشرار
(و نخليه يحتار ابلمهه)
……………………………………………
المجموعة الاولى
ما وصا ابفهيمة يدري عنده اخوان
ابحگهم والكلايف تشهد العدوان
اليمس ابثوبها بيه تشتعل نيران
(و تضيج الدنيه اعلى اجدامه)
………………………………………………
فهيمه جبل ما تهتز ولو ابسجن و ابتبعيد
و تنخى اهل النضال ابزود لأخذ الثار و التوحيد
مرفوعه جبين و شان و تتباها ابعلي الحيد
(و تتفاخر و العز ماضيها)
………………………………
لا توصي يمالك و الوطن محروس
بعدنه ابزودنه و اعلى المناية اندوس
وتضل احوازنه هيه الرمزو السوس
(موقفكم يشهد تاريخه)
…………………………………..
بعدنه ابزود اهالينه و بعدهي ذيچ همتنه
و بعدنه عرب نشميين نتفاخر ابشيمتنه
وبعدنه انجاهد اعلى احوازولكل شهد صولتنا
(وانجاهد للحگ و انجيبه)
…………………………………….
عهد يا موطني وياك ما طول النفس يصعد
و عهد متنازل من ارضي لا من اتشيلني من الحد
لجلك ما نرد من نار لجلك ما نرد من صد
(وانريد الموت اعلى احدوده)
…………………………………….
الما حاسب ضميره وخان هذا بعد لتعده
ويدور الزمان اعليه هم انحسبه و انشده
شامخ يا خلف ضليت و بسمك دوم نتحده
(و منطوره الثاية لتوصي)
……………………………………
الماطخ للعدو ولانام هذا جيالنه اتقلده
مثل محيي لحد اليوم كلنه انسولف ابحده
الوطن يحتاج هيچ ارجال على الكلفات تتحده
(ونتحده ونعلن دولتنه)
…………………………………..
ابد مامات عباس الشهم من طاح يبقى بل ضمايرحي
ويبقى يخلده التاريخ و يبقى لكل مناضل في
سگاه ابدمه النخل من طاح زود و عوضا بل مي
(و اتسّجل تاريخ ابيوما)
………………………………………
ضلت مفخرة النيسان ولكل شهد صولتنا
وعنوان المجد مكتوب بأول يوم ثورتنا
ابعزم ابطالها انفرضت اعلى الغاصب قضيّتنا
(و العالم ضل شاهد بيها)
………………………………………..
هنياله السگه ابدمه نخل كارون هنياله
و سجل للأجيال ابمفخرة افعاله
وحگ شيمت مضيف العرب و دلاله
(و تحرير احدودك بدمانه)
…………………………………………
لا تبچین يم ماجد و ماجد حي یحبابه
كلنه اولادچ ابتشري و بعد للثارطلابه
وحگ ماجد وحگ ربعه وحگ الوطن واترابه
(ويم بابچ ننصب صلابه)
…………………………………………
لا تبچین يم مهدي ودمعچ لاتهملينه
كلنه احفادچ احنه اليوم و امري اشما تريدينه
ناخذ ثار مهدي و كل دمع التسچبينه
(و يم دارچ نوگف جيدوما)
……………………………………….
هم تطلع شمس هم يصفا هذا الغيم
وابد سيف الظلم عل ناس عيب ايديم
وانشيل العلم و ابظله حدود انقيم
(و نرد المحتل لحدوده)
………………………………………
يهل تنشد هذول اهل البطولات
و هذول الصنعوا التاريخ بل هجمات
و يضل احوازهم يفخر بهل صولات
(تاريخ الهم ما ينسونه)
……………………………………..
اللي ارتدوا زي الوقار و ما هابوا الموت
و على احبال المشانق غنوا ابصوت
لجلك يا وطن فوگ المنايا انفوت
(يا موت اخذ العزة روحه)
…………………………………….
عروس امخدره الاحواز و اشحده الوصل ليهه
وصرخ مهدي ابعالي الصوت لجله الروح اضحيه
انا من نسل محيي و محيي الضحى اعليه
(و من ثورة محيي المشهوده)
…………………………………………….
بعدهو يكتب التاريخ عن محيي و بعدهي ذيچ ثورتنه
وبعدنه اعلى العهد وياك يا محيي لون تنشال فوگ الجسر جثتنه
وبعدنه بل نضال نسير للأحواز نصرتنه
(وبعده الحد مأمونه احدوده)
المزيد
